Baıan-Ólgeıde 1000 bala bir mezette kúı tartty

ASTANA. QazAqparat - Mońǵolııadaǵy etnıkalyq qazaqtar kóp mekendegen Baıan-Ólgeı aımaǵynda Naýryz merekesine oraı myń búldirshin bir mezette qazaq kúıin kúmbirletti, dep habarlaıdy QazAqparat.

Vıdeony áleýmettik jelige júktegen Nurbol Qanaǵat  shara dál búgin, dál qazir ótip jatyr deıdi. «Baı-Ólkede Naýryz merekesine oraı 1000 búldirshin kúı tartty. Búgin aımaqta azdap qar jaýdy. Qazaqy barlyq dástúr shara boıynsha ótip jatyr»,-deıdi vıdeo avtory.

 

Aıta keteıik, Mońǵolııanyń Baıan-Ólgeı aımaǵy 1940 jyly qurylǵan. Aımaq ortalyǵy - Ólgıı, qazir bul óńirde 91 myńnan asa halyq turady jáne sol halyqtyń 93 paıyzy - qazaqtar.