Baıan Esentaeva jańa serıal túsirip jatyr
ASTANA. QazAqparat - Tanymal prodıýser, óz ómiri jaıly kitap jazyp jatqanyn málimdegen Baıan Esentaeva búgin kezekti jobasynyń túsirilimin bastady. 6 bólimnen turatyn «Qazaq arýy» teleserıaly sulýlyq pen ásemdikti, óner men daryndy beıneleıtin jańa týyndy bolmaq.
«Qazaq arýynyń» basty róline prodıýser elge tanyla qoımaǵan jańa beıne izdep, kastıng jarııalaǵan edi. Shyǵarmashylyq top 16 jasar Gúlzada Turlashty basty rólge laıyq dep tapty. Ol QazUÝ-dyń jýrnalıstıka fakýltetinde oqıdy.
«Qazaq arýy» baıqaýy 2010 jyldan beri ótkizilip keledi. Ideıa avtory - Baıan Esentaeva. Bul jobanyń «Qazaqstan arýy» baıqaýynan ereksheligi - tek qazaq qyzdary qatysady jáne olar ulttyq tanym, salt-dástúr boıynsha synǵa túsedi.
