Batys Qazaqstanda 400-den astam adamdy ıt qapty

ORAL. KAZINFORM — Batys Qazaqstan oblysynda bıylǵy úsh aıda janýarlardan 618 adamnyń zardap shekkeni tirkeldi.

BQO sanıtarııalyq-epıdemıologııalyq baqylaý departamentiniń baspasóz qyzmetinen málim etkenindeı, janýarlar tistep, tyrnaǵan nemese silekeıi tıgen osynshama adam medıtsınalyq kómekke júginýge májbúr bolǵan. Bul kórsetkish ótken jylǵy osy kezeńdegiden (549) 69 derekke kóp. Sonyń ishinde 14 jasqa deıingi 165 bala (2025 jylǵy úsh aıda — 151) oqys oqıǵaǵa urynǵan.

— Jaraqat alǵandardyń 411-in nemese 66,5 paıyzyn ıt qapsa, 162-sin (26,2 paıyz) mysyq tistegen. Sondaı-aq 22-si nemese 3,5 paıyzy iri qaradan, úsheýi (0,5 paıyz) jylqydan, ekeýi (0,3 paıyz) túlki, qarsaqtan, 18-i (3 paıyz) basqa janýarlardan zardap shekken, — dep habarlady vedomstvodan. Departament málimeti boıynsha qutyrý aýrýy Batys Qazaqstan oblysynda tirkelgen joq.

Eske sala keteıik, budan buryn Batys Qazaqstanda 2 myńdaı adamdy ıt pen mysyq tistegenin jazǵan bolatynbyz.