Batys Qazaqstanda 1 600-den astam buralqy ıt pen mysyq aýlandy

ORAL. KAZINFORM — Batys Qazaqstan oblysynda buralqy janýarlardy aýlaý jumystary júıeli júrgizilip keledi.

BQO veterınarııa basqarmasynyń basshysy Abzal Bralıevtiń málim etkenindeı, jyl basynan beri 1 645 ıt pen mysyq aýlanyp, sonyń 781-i bıosterılızatsııadan ótkizilgennen keıin mekendeý ortasyna keri jiberildi.

Onyń sózine qaraǵanda, qalǵan 874 ıt-mysyq turǵyndardyń ótinishteri negizinde jansyzdandyryldy. 

- Qazirgi tańda ıtter men mysyqtardy tirkeýge arnalǵan derekqorda 26 113 ıt pen mysyq esepke alynsa, sonyń tek 6 390-nyń ǵana ıesi bar. Bıylǵy jyldyń alty aıynyń qorytyndysy boıynsha ıtter men mysyqtardy kútip ustaý jáne serýendetý qaǵıdalaryn buzǵany úshin jergilikti polıtsııa qyzmetkerlerimen 103 ákimshilik hattama toltyrylyp, 2 mln teńge kóleminde aıyppul salyndy, - dedi A.Bralıev.

Basqarma basshysynyń aıtýynsha, oblys aýmaǵynda veterınarııalyq stantsııalarǵa tıesili 12 panajaı (jalpy syıymdylyǵy 180 janýar) bar. Sondaı-aq Jáńgir han atyndaǵy Batys Qazaqstan agrarlyq-tehnıkalyq ýnıversıteti janyndaǵy 1 ýaqytsha ustaý orny (syıymdylyǵy 75 janýar) jáne janýarlardy qorǵaý uıymdaryna tıesili 6 panajaı qyzmet atqarady. 

Eske sala keteıik, budan buryn Batys Qazaqstanda 3 iri qara maldan qutyrý aýrýy tabylǵanyn jazǵan edik.
Sondaı-aq BQO-da janýarlardan 1 300-den astam adam zardap shekti.