Batys Qazaqstan oblysyndaǵy Sulýsaı aýyly taratylady
Batys Qazaqstan oblysy Bórli aýdanyna qarasty Sulýsaı aýyly taratylýy múmkin. Bul týraly Ashyq NQA portalynda jarııalanǵan ákimdik qaýlysy men maslıhattyń birlesken sheshiminde jazylǵan, dep habarlaıdy QazAqparat tilshisi.
«Bórli aýdanynyń Pýgachev aýyldyq okrýginiń Sulýsaı aýyly onyń aýmaǵy Bórli aýdanynyń Pýgachev aýyldyq okrýginiń Pýgache aýylynyń quramyna engizile otyryp, taratylsyn. Osy birlesken qaýly jáne sheshim onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi», - delingen oblystyq ákimdik qaýlysy men maslıhattyń birlesken sheshim-jobasynda.
Qujat 17 qazanǵa deıin kópshilik talqylaýda bolady.
Qosa ketsek, buǵan deıin Túrkistan oblysynyń Sozaq aýdanyndaǵy Qaqpansor jáne Qońyrataryq aýyldary taratylatynyn jazyp edik.
