Bas prokýratýra kómir baǵasynyń ósý sebebin tekseredi

ASTANA. QazAqparat - QR Bas prokýrorynyń tapsyrmasymen halyqtyq quqyǵy men múddesin qorǵaý maqsatynda kómir óndirý jáne onyń aınalymy salasyndaǵy zańdylyqtyń jaı-kúıine saraptama júrgiziledi, dep habarlaıdy QazAqparat tilshisi.

«Bas prokýratýraǵa kómir saýdasy salasyndaǵy jekelegen naryq sýbektileriniń tarapynan basym jáne monopolııalyq jaǵdaıdy asyra paıdalanýy, olardyń básekege qarsy áreketter jasaýy, kóp deńgeıli deldaldyq qurylymdardy paıdalanýy, sonyń saldarynan qatty otyn qunynyń kóterilýi týraly aqparattar túsip jatyr»,-  dep atap ótken vedomstvodan.

Taratylǵan aqparatqa qaraǵanda, naryqtyń ortan qol sýbektileriniń ymyralasý faktilerin anyqtaý jáne jolyn kesý jumystary bastalyp ketken.

«Buǵan qosa, oblys prokýrorlaryna jylý berý maýsymy qarsańynda jáne kezinde kómir baǵasynyń baǵalaýsyz jáne negizsiz ósýine jol bermeýdi qamtamasyz etý tapsyryldy», - delingen Bas prokýratýra aqparatynda.