Balýan Aıbek Serikbaev «Syr barysy» atandy
Oblys ortalyǵyndaǵy «Eýrazııa» sport kesheninde respýblıkalyq «Qazaqstan barysy» týrnırine oblystyq irikteý saıysy ótti.
Jarystyń ashylý saltanatynda oblys ákimi apparatynyń basshysy Shahmardan Baımanov balýandarǵa sáttilik tilep, qyzyqty saıys ótýine tilektestigin bildirdi.
Odan keıin QR eńbek sińirgen jattyqtyrýshy, oblystyq máslıhat depýtaty Sadyq Mustafa dástúrli týrnırdiń 2011 jyly alǵash ret Syr óńirinde bastaý alǵanyn atap ótti.
Alǵashqyda oblystyq deńgeıde ótkizilgen saıys ýaqyt óte kele respýblıkalyq deńgeıge kóterildi.
Bıyl on tórtinshi márte jalaýyn jelbiretken týrnır jurtshylyq arasynda keńinen qoldaýǵa ıe boldy.
Oblystyq aqtyq jarysqa aldymen irikteý aýyl, aýdandyq deńgeıde ótip, kishi jasóspirimder, jasóspirimder, jastar jáne eresekter arasyndaǵy 4 jas ereksheligi boıynsha irikteldi.
Jarys qorytyndysy boıynsha oblystyq irikteý saıysy fınalynda Aıbek Serikbaev pen Elaman Erǵalıev kezdesti. Tartysty ótken básekede Aıbek jeńiske jetti.
Qos balýan endi respýblıkalyq «Qazaqstan barysy» týrnırinde oblys namysyn qorǵaıdy.
Eske salsaq, budan buryn Batys Qazaqstan oblysynda «Jaıyq barysy» anyqtalǵan bolatyn.
