Balqash kólinde brakonerler ustaldy
ASTANA. KAZINFORM — Balqash kólinde zańsyz balyq aýlaǵan Jetisý oblysy men Taldyqorǵan qalasynyń turǵyny ustaldy. Bul týraly QR Іshki ister mınıstrliginiń baspasóz qyzmeti málimdedi.
— «Brakoner» jedel-profılaktıkalyq is-sharasy aıasynda Balqash qalalyq jelilik polıtsııa bólimi men Balqash-Alakól aımaqaralyq basseındik ınspektsııasy kólde motorly qaıyqty toqtatty. Onyń ishinde 35 jastaǵy Jetisý oblysynyń jáne 37 jastaǵy Taldyqorǵan qalasynyń turǵyny bolǵan, — delingen aqparatta.
Tekserý kezinde qaıyqtan uzyndyǵy 2500 metrlik aý tabyldy. Sonymen qatar 8 jáshik balyq tárkilendi. Jáshikterden kókserke, aqtaban, taban, jaıa, jaıyn jáne sazan sekildi balyq túrleri shyqty. Zańsyz aýlanǵan balyqtyń jalpy salmaǵy — 252,3 keli. Tabıǵatqa keltirilgen zalal somasy 1,2 mln teńgeden asqan.
Atalǵan derek boıynsha qylmystyq is qozǵaldy.
Buǵan deıin Qaraǵandy oblysynda zańsyz ań aýlaǵan brakonerler ustalǵan bolatyn.
