Balqash-Alakól basseıninde sý tasqyny qaýpi joq
ASTANA. 27 naýryz. QazAqparat - Balqash-Alakól basseıninde sý tasqynymen baılanysty qaýip joq. Bul týraly búgin jýrnalıstermen bolǵan brıfıngte Aýyl sharýashylyǵy mınıstrligi Sý resýrstary komıtetiniń tóraǵasy Islam Ábishev málim etti.
Onyń sózine qaraǵanda, Balqash-Alakól basseınine Almaty oblysynyń biraz bóligi, Qaraǵandy oblysynyń bir bóligi men Shyǵys Qazaqstan jáne Jambyl oblystarynyń keıbir aımaqtary kiredi. Munda negizgi úsh sý qoımasy bar. Olar Qapshaǵaı, Bartoǵaı jáne Kúrti sý qoımalary. «Osylardyń ishinde Qapshaǵaı sý qoımasy 17 mıllıard 410 mıllıon tekshe metr sýdy qabyldaı alatyn bolsa, búgingi tańda qoımadaǵy sýdyń kólemi belgilengen mejeniń 90 paıyzyna jetip otyr. Al Almaty oblysynda ornalasqan Bartoǵaı sý qoımasyna 225 mıllıon tekshe metr sý syıady. Qazirgi tańda atalmysh qoıma qabyldaǵan sý 60 paıyzdy quraıdy. Sondaı-aq Kúrti sý qoımasyna 58,3 mıllıon tekshe metr sý ketedi. Qazirgi tańda onyń 41 paıyzy sýǵa toly»,- dedi komıtet tóraǵasy.
Onyń sózinshe, «Úlken Almaty» kóline 3,2 mıllıon tekshe metr sý syıady. Al onda jınalǵan sý kólemi 30 paıyz. «ıAǵnı Balqash-Alakól basseıninde sý tasqynynan asa úlken qaýip týyp otyrǵan joq»,- dedi I.Ábishev.
