Bala tiliniń kesh shyǵýynyń sebebi nede – maman jaýaby

Bala tiliniń kesh shyǵýy onyń psıhıkasynyń qalyptasýyna áser etedi. Bul týraly óńirlik kommýnıkatsııalar qyzmetinde pedagog-psıholog, defektolog Ásel Saǵadatova aıtty, dep habarlaıdy Kazinform.

Defektologtyń sózinshe,«kesh sóıleý»dıagnozy úsh jasqa deıingi balalarǵa qoıylady, ıaǵnı bul olarda osy jasqa deıin sózderdiń mınımaldy sózdik qoryn qalyptaspaǵanyn kórsetedi. Psıhıkalyq-sóıleý damýynda keshigýi bar balalar qysqa sóılemdermen sóıleıdi, suraqtardy az qoıady.

«Bir jarym, eki jasqa deıingi bala qalypty jaǵdaıda elýge jýyq sózdi bilýi kerek. Biz osyny baıqamaǵan soń, biz túzetý sabaqtaryna baramyz, neǵurlym erterek barsa, soǵurlym jaqsy», - dedi ol.

Aıtýynsha,bala tiliniń kesh shyǵýy onyń psıhıkasynyń qalyptasýyna áser etedi.

«Bul balanyń aınalasyndaǵy adamdarmen qarym - qatynasyn qıyndatady, tanymdyq protsesterdiń durys qalyptasýyna kedergi keltiredi, emotsııalardyń qalyptasýy men bárilýine áser etedi», - dep túsindirdi Ásel Saǵadatova.

Defektolog tildiń kesh shyǵýynyń birneshe sebebin atady.

«Eger balamen sóılespese, ıaǵnı balanyń sóıleýge qulqy bolmasa, onyń tiliniń shyǵýy da kesheýildeıdi. ıAǵnı, balanyń sóılemeýine ata-analardyń ózderi áser etedi. Taǵy bir sebep-jaraqattar, aýrýlar jáne mıdyń zaqymdanýy nemese balanyń anasynyń qursaǵynda, bolmasa ómiriniń birinshi jylynda bolǵan juqpaly aýrýlar. Estý qabileti nashar balalardyń da tilderi kesh shyǵady, óıtkeni ol basqalardan estigenin naqty qaıtalaı almaıdy», - dep túsindiredi maman.

Mundaı jaǵdaılarda sóıleýdiń keshigý sebepterin anyqtaý úshin nevropatologqa, logopedke, al keıbir jaǵdaılarda psıhıatr men balalar psıhologyna barý kerektigin atap ótti.

«Bizdiń baıqaýymyzsha, qazir bizge kovıdtan keıin dúnıege kelgen balalardy jıi ákeledi. 2020-2021 jyly týǵan balalar sóıleý jáne psıhıkalyq-sóıleý damýynyń keshigýi týraly belgili bir qorytyndylarmen keledi. Bul da sebepterdiń biri», - dep tolyqtyrdy ol.