Baqytbek Esentaevtyń sot protsesi erteń qaıta jalǵasady
TALDYQORǴAN. QazAqparat - Búgin Taldyqorǵan qalasynda ornalasqan Almaty oblysynyń qylmystyq ister jónindegi mamandandyrylǵan aýdanaralyq sotynda ótken Baqytbek Esentaevqa qatysty sot protsesi erteń jalǵasatyn boldy, dep habarlaıdy QazAqparat tilshisi.
Jabyq rejimde ótip jatqan sot protsesi aldymen, alqa bı múshelerin irikteýden bastaldy. Sot otyrysyna Baıan Maqsatqyzy, úlken qyzy Aısáýle jáne prodıýserdiń sińlisi Baǵym Muhıtdınova qatysty.
Esterińizge sala keteıik, Baıan Maqsatqyzy maýsymnyń 10 kúni birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Belgili prodıýser, eki balanyń anasyn óltirmek boldy degen kúdikpen óziniń kúıeýi Baqytbek Esentaev ustalyp, qamaýǵa alyndy. Sondaı-aq qazirgi tańda Baıan burynǵy tegine qaıta oralǵan syńaıly. Ol áleýmettik jelidegi paraqshalaryna Baıan Maqsatqyzy degen ózgeris engizgen.
