Bakýde Qazaqstannyń kıno kúnderi ótedi

BAKÝ. QazAqparat – 10-11 jeltoqsanda Bakýdyń «Nızamı» kınotetarynda Ázerbaıjandaǵy Qazaqstannyń kıno kúnderi ótedi, dep habarlaıdy QazAqparat menshikti tilshisi.

Alǵashqy kúni saǵat 14:00-de rejısser I.Ardashovtyń «Kenje qyz» anımatsııalyq fılmi kórsetiledi. Fılm sıýjeti boıynsha, kishkentaı qyz ózin elemeıtin aǵalaryn tań qaldyramyn dep, qatelesip, ejelgi jyndy bostandyqqa shyǵarady.

12 jeltoqsan kúni saǵat 14.00-de kórermender rejısser R. Nurǵalıevtiń «Alğa» kórkem fılmin tamashalaı alady. Fılm jelisi boıynsha, aǵaıyndy eki jigit ákeleri qaıtys bolǵannan keıin urlyqpen kún kóre bastaıdy. Bir kúni qaladan aýylǵa talanty jastardy irikteý maqsatynda kelgen jattyqtyrýshy ekeýin baıqap, jattyǵýǵa shaqyrady. Baýyrlar qanshama synaqty bastan ótkerse de, berilmeýge bel býady. Bastan keshken qaıǵyly oqıǵa olardyń ómirin ózgertedi. Sportpen aınalysyp júrip aǵaıyndynyń biri marafonǵa daıyndalyp, álem chempıonyn jeńýdi kózdeıdi.

Іs-sharany Qazaqstannyń Ázerbaıjandaǵy Elshiliginiń qoldaýymen Qazaqstannyń Mádenıet mınıstrligi, «Kazakhcinema» qazaq kınosyn qoldaý memlekettik ortalyǵy uıymdastyrdy.

Serikbol Qoshmaǵabetov