Baqtashymen dóreki sóılesken ákim jazalandy
Bul týraly óńirlik kommýnıkatsııalar qyzmetinde ótken brıfıng barysynda Pavlodar oblysy ákimi apparatynyń etıka boıynsha ókiletti ıÝrıı Feldman aıtty.
«2017 jylǵy 1 jeltoqsandaǵy statıstıkaǵa sáıkes, jergilikti atqarýshy organnyń 486 memlekettik qyzmetshisi tártiptik jaýapkershilikke tartylǵan. Onyń ishinde etıka normasyn buzǵandar sany - 20, qyzmettik tártipti buzǵandar - 110 jáne basqa da buzýshylyqtarǵa jol bergen 356 adam bar. Ádep jónindegi komıssııa jáne keńestiń usynystary boıynsha jergilkti atqarýshy organnyń 44 qyzmetshisine tártiptik jaza qoldandy. Naqtyraq aıtsaq, ádep kodeksiniń normalaryn buzǵany úshin - 14, memlekettik qyzmettiń abyroıyna nuqsan keltirgeni úshin - 11, basqa buzýshylyqtarǵa qatysty 19 qyzmetshi óz jazasyn aldy, - deıdi ıÝrıı Feldman.
Etıka boıynsha ókiletti spıkerdiń sózine súıensek, memlekettik organdardyń qyzmetine qatysty barlyq problemalyq máseleler boıynsha oqıǵa ornyna shyǵý arqyly tekseris júrgizilgen.
Osylaısha, Ýspen (jer qatynastary máselesi), Maı (aýdan ákiminiń jumysyn synǵa alý), Jelezın (Mıhaılov, Eńbekshi aýyldyq okrýgteri turǵyndarynyń ákimderine ujymdyq shaǵym jasaýy), Lebıaji (aýdandyq bilim berý bólimindegi moraldyq-psıhologııalyq ahýalǵa shaǵym jáne t.b.) aýdandaryna jumys saparlary jasaldy.
«Máselen, Pavlodar aýdanynyń turǵyny habarlasyp aýyl ákiminiń baqtashymen dóreki sóıleskenin jetkizdi. Osyǵan baılanysty aýyl basshysyna eskertý berildi», - dedi Feldman.
