BAÁ munaı óndirý kólemin eki eseden astam qysqartty
ASTANA. KAZINFORM - Iranmen shıelenis pen Ormýz buǵazynyń is júzinde jabylýy saldarynan Birikken Arab Ámirlikterinde táýliktik munaı óndirý kólemi eki eseden astam tómendedi. Sonyń nátıjesinde memlekettik munaı kompanııasy Abu Dhabi National Oil Company óndiriste aýqymdy toqtatý sharalaryn engizýge májbúr boldy, dep habarlaıdy Azertag.az.
Azerbaijan State News Agency agenttiginiń Reuters derekterine silteme jasap habarlaýynsha, álemdik munaı tasymalynyń shamamen besten biri ótetin Ormýz buǵazy arqyly kommertsııalyq keme qatynasynyń toqtaýy jahandyq energetıkalyq naryqta eleýli irkilisterge ákelgen.
Abu Dhabi National Oil Company teńizdegi ken oryndarynda munaı óndirý kólemi qysqartylǵanyn málimdedi.
Sarapshylardyń baǵalaýynsha, Taıaý Shyǵysta munaı óndirýdiń jalpy qysqarýy qazir táýligine 7–10 mıllıon barrelge jetip otyr. Bul álemdik suranystyń shamamen 7–10 paıyzyna teń.
Osyǵan deıin Ormýz buǵazyndaǵy júk tasymaly 90%-ǵa tómendegeni týraly jazdyq.
Al Iran Ormýz buǵazyn ashpaıtynyn málimdedi.