Ázerbaıjanda 11 bank joıylady

BAKÝ. QazAqparat - Ázerbaıjanda 11 bank lıtsenzııasynan aıyrylýy múmkin, dep habarlady «QazAqparattyń» Ázerbaıjandaǵy tilshisi.

Ázerbaıjan Ortalyq bankiniń (ÁOB) esebine sáıkes, 2015 jyldyń qorytyndylary boıynsha, joıylý protsesinde lıtsenzııalary 2008 jyly shaqyrtylǵan «Poctbank» pen «Atlantbank», «Debutbank» (2010 jyl), «Birlik Bank» (2011 jyl), «Royal Bank» (2012 jyl), «Evrobank» pen «Azerbaijan Credit Bank» (lıtsenzııalary 2015 jyly joıylǵan) tur.

Budan basqa, 2016 jyldyń basynan beri ÁOB taǵy 7 banktiń («Bank of Azerbaijan», «Gandja Bank», «United Credit Bank», «NBCBank», «Atra Bank», «Kavkaz damý banki» jáne «Texnika Bank») lıtsenzııalaryn alyp qoıǵan.

Alaıda, keıinirek Ortalyq bank NBC Bank-tiń birigý boıynsha josparlaryna baılanysty lıtsenzııasyn qalpyna keltirdi. Osyǵan uqsas josparlar sondaı-aq, Kavkaz damý banki men Atra Bank-te bar, qazirgi kezde olar naryqta qyzmet etip otyrǵan banktermen kelissózder júrgizip jatyr.

Ázerbaıjannyń bank naryǵynda barlyǵy 36 bank qyzmet atqarady, sonyń ishinde eki bank - Ázerbaıjannyń Halyqaralyq banki men AzerTurk Bank memlekettiń qatysýymen jumys isteıdi.

2015 jyly elde 750 fılıaly jáne 164 bólimshesi bar 41 bank jumys istegen. Ótken jyldyń qorytyndylary boıynsha 21 bank sheteldik kapıtaldyń qatysýymen jumys istegen. Sonymen qatar, 2015 jyly eldiń syrtynda jergilikti banktardyń 9 qurylymy, sonyń ishinde 5 enshiles qurylym (Kavakaz damý bankiniń Grýzııada, Ázerbaıjan halyqaralyq bankiniń Grýzııa men Reseıde, PASHA Bank-tiń Grýzııa men Túrkııada) qyzmet atqarǵan.