Ázerbaıjan prezıdenttigine 15 kandıdat bekitildi

Ázerbaıjan Ortalyq saılaý komıssııasy (OSK) 26 jeltoqsanda prezıdent bolýǵa úmitker retinde taǵy 8 kandıdatty bekitti. Kazinform menshikti tilshisi bul týraly OSK hatshysy Arıfa Muhtarovaǵa silteme jasap habarlaıdy.

Atap aıtqanda, Sarvan Kerımovtiń, Matlab Mýtallımlıdiń, Abýtalyb Samedovtiń, Fıkret ıÝsıfovtiń, ıÝsıf Bagırzadeniń, ıÝnýs Ogýzdiń jáne Gýlamgýseın Alıbeılıdiń kandıdatýralary bekitildi.

Jergilikti BAQ-tyń málimetinshe, Sarvan Kerımov buǵan deıin ǵylymı jumyspen aınalysqan. Matlab Mýtallımlı men Abýtalyb Samedov – parlamenttiń eks-depýtattary. Fıkret ıÝsıfov buǵan deıin Qarjy mınıstrligin basqarǵan, ıÝsıf Bagırzade eks-depýtat jáne OSK-nyń eks-múshesi. ıÝnýs Ogýz –«Olaılar» gazetiniń bas redaktory, Gýlamgýseın Alıbeılı – parlamenttiń eks-depýtaty.

Osylaısha, bekitilgen úmitkerler sany 15 adamǵa jetti.

Eske salaıyq, 19 jeltoqsanda Ortalyq saılaý komıssııasy «Jańa Ázerbaıjan» partııasy atynan
is basyndaǵy prezıdent Ilham Álıevtiń kandıdatýrasyn bekitti.

Sondaı-aq OSK Zahıd Orýdjti (parlament depýtaty), Fazıl Mýstafany (depýtat, «Uly jasampazdyq» partııasynyń basshysy), Elshad Mýsaevti («Uly Ázerbaıjan» partııasynyń tóraǵasy), Gýdrat Gasangýlıevti (Birtutas Ázerbaıjan halyq fronty partııasynyń tóraǵasy) jáne Razı Nýrallaevti («Ulttyq front» partııasynyń tóraǵasy) bekitti.

Talapqa sáıkes, kandıdat OSK-da tirkelýi úshin kem degende 60 saılaý okrýginde turatyn 40 myń daýys berýshiniń qoltańbasyn usynýy tıis.

Ázerbaıjanda kezekten tys prezıdent saılaýy keler jyldyń 7 aqpanyna belgilengen.

Eske salaıyq, eldiń Ortalyq saılaý komıssııasy taǵy 8 kandıdatty prezıdenttikke úmitker retinde bekitý máselesin qarastyryp jatqanyn jazǵan bolatynbyz.