Ázerbaıjan men Armenııa tutqyn almasty

Armenııa men Ázerbaıjan shekarasyndaǵy Gazah aýdanynda eki el ókilderi ásker almasty. Buny Ázerbaıjannyń áskerı tuqyndar, kepilge alynǵandar men iz-túzsiz joǵalǵandar jónindegi Memlekettik komıssııasy rastady, dep habarlaıdy Kazinform.

Ekijaqty kelisim aıasynda Ázerbaıjan tutqyndalǵan 32 armıan sarbazyn bosatty. Olardyń 26-sy 2020 jyldyń jeltoqsanynda Gadrýt aýdanynda ustalǵan bolatyn, qalǵan 6-ýy shekarada ártúrli ýaqytta qolǵa túsken.

Armenııa tarapy eki ázerbaıjandyq sarbaz Gýseın Ahýndov pen Agshın Babırovty bosatty.

Ázerbaıjandyq BAQ ókilderiniń habarlaýynsha, tutqyn almasý eshqandaı tosyn áoeketsiz ótti jáne eki tarap ta qajetti hattama talaptaryn múltiksiz oryndady. Halyqaralyq Qyzyl Krest Komıtetiniń ókilderi tutqyndaǵy sarbazdardyń densaýlyǵy men jalpy jaǵdaıyn baǵalady.

Áskerıi qyzmetshiler Agshın Babırov pen Gýseın Ahýndov 9 sáýir kúni Nahchyvan Avtonomııaly Respýblıkasynda Armenııamen shartty shekarada kún buzylyp, aınaladaǵy kórinistiń qıyndaýyna baılanysty iz-túzsiz joǵalyp ketken bolatyn.

8 mamyr kúni armıan soty Agshın Babırovty 11 jyl 6 aıǵa bas ostandyǵynan aıyrdy. Keıinirek, 21 maýsymda Gýseın Ahýndov 20 jyǵa sottaldy, dep habarlady ázerbaıjandyq media.az portaly.

Jeltoqsan aıynyń basynda Ázerbaıjan prezıdentiniń Ákimshiligi men Armenııa Premer-Mınıstriniń Apparaty birlesken málimdeme jasady.

«Gýmanızm ustanymdary negizinde Ázerbaıjan Respýblıkasy 32 armıan áskerı qyzmetshisin al Armıan Respýblıkasy eki ázerbaıjan sarbazyn bosatady»,-delingen málimdemede.

Jalpy alǵanda birlesip jasalǵan qujat negizinde Baký men Erevan ózara qarym-qatynasty rettep, beıbit kelisimge kelgenderin rastady.