Ázerbaıjan elden valıýta shyǵarýdy shekteıdi

ASTANA. QazAqparat - Ázerbaıjan bıligi elden valıýta shyǵarýdy shekteýdi josparlap otyr, dep habarlady RBK Ázerbaıjan Ortalyq Bankiniń (ÁOB) basqarma tóraǵasy Elman Rýstamovtyń málimdemesine silteme jasap.

Ázerbaıjan parlamentiniń quqyqtyq jáne ekonomıkalyq saıasaty boıynsha komıtetterdiń birlesken otyrysynda sóz sóılegen Rýstamov «Valıýtalyq retteý týraly» zańǵa engizilgen túzetýlerde shetelde jyljymaıtyn múlik, jer jáne qundy qaǵazdardy satyp alý, sonymen qatar tikeleı ınvestıtsııa quıý úshin elden shyǵarylatyn valıýtanyń jalpy somasynyń 20% kólemindegi alym engizý qarastyrylǵanyn túsindirdi.

«Bastapqyda valıýta men kapıtaldyq qozǵalysyna tolyq tyıym salmaq boldyq. Alaıda keıin osyndaı sheshimge keldik. Bul tikeleı sheteldik ınvestıtsııalarǵa, shetelde jyljymaıtyn múlik satyp alý men shot ashýǵa qatysty», - dedi Rýstamov (Oxu.az keltirgen sózi).

Trend.az agenttigi habarlaǵandaı, 20% kólemindegi alym bir jylda shetelge $50 kóleminen asatyn aqsha shyǵarǵan jaǵdaıda da salynady.