Ázerbaıjan azamattyq ushaqtar shyǵara bastady

«Global Force Technology Inc» kompanııasy Ázerbaıjan aýmaǵynda avıatsııalyq qozǵaltqyshtar men kishi azamattyq avıatsııaǵa arnalǵan ushaqtar óndirisin bastaý jobasyn jasap shyqty, dep habarlaıdy Kazinform agenttiginiń menshikti tilshisi.

Osy jobanyń arqasynda saladaǵy jańa tehnologııalardy paıdalana otyryp, óndiris jandanady. Kompanııa jobany eki jyldan beri daıyndaǵan.

Naryqty zertteý bul – óńirdegi osyndaı alǵashqy óndiris bolatynyn kórsetti. Jobany júzege asyrý arqyly Ázerbaıjan álem naryǵyna shyǵyp qana qoımaı, joǵary tehnologııaly avıatsııa ónimin óndirýshi retinde el ımıdjin kóteredi.

Jobany júzege asyrýǵa qajet qujattar ruqsat pen sertıfıkat alý úshin memlekettik organdarǵa jiberildi.