«Áıelder el qýatyn eseleıdi!» aktsııasy ótedi

STANA. Maýsymnyń 23-i. QazAqparat - Elimizde ótkizilip jatqan «Birligimiz jarasqan!» respýblıkalyq aktsııasy sheńberinde Qazaqstan Respýblıkasynyń Prezıdenti janyndaǵy Áıelder isi jáne otbasy-demografııalyq saıasat jónindegi Ulttyq komıssııa Qazaqstannyń azamattyq alıansymen birlese otyryp «Áıelder el qýatyn eseleıdi!» aktsııasyn uıymdastyrýda.

Aktsııanyń negizgi maqsaty - Qazaqstan áıelderiniń Qazaqstan Respýblıkasy Prezıdentiniń saıasatyn qoldaýdy arttyrý jáne kókeıkesti áleýmettik máselelerdi sheshýdegi áıelder belsendiliginiń áleýetin kóterý.

Onyń óz aıasyna elimizdiń qoǵamdyq uıymdary kóshbasshylary, kásipkerler, memlekettik organdardyń áıel basshylarynan quralǵan belsendi áıelderdi jınaı otyryp,, Memleket basshysynyń áıelder mártebesin jaqsartý baǵytynda atqaryp jatqan saıasatyna qoldaý kórsetýge baǵyttalmaq. Sondaı-aq, kezdesý barysynda áıelderdi aldyńǵy qatarǵa qoıý máselesinde tájirıbe almasyp, aımaqaralyq baılanystardy keńeıtýge de jaǵdaı jasalmaq.

Aktsııa elimizdiń barlyq aımaqtarynda 2010 jylǵy maýsymnyń 24-inen shildeniń 4-ine deıin ótkizilmek.