Avstralııada qumdy daýyl shahtany basyp qaldy

ASTANA. KAZINFORM — Avstralııalyq kenshiler soltústik aýmaqtaǵy Tanamı shólinde qumdy daýylǵa tap boldy, dep habarlaıdy RIA Novostı.

— Alystaǵy Tanamı shólindegi Avstralııanyń eń iri jerasty altyn kenishteriniń birinde qumdy daýyl eki kúnnen beri toqtamaı tur, — dep jazdy Guardian basylymy.

Áriptesterimen birge daýylǵa tap bolǵan kenshi Laklan Markant oqıǵa týraly aıtyp berdi.

— Bul bizge Ýlýrýny (Avstralııanyń soltústik aýmaǵyndaǵy bıiktigi 348 metrlik jartas — red.) eske túsirdi. Onyń kólemin elestete berińiz. Ol bizge ushyp kele jatqandaı boldy, — deıdi Laklan Markant.

Basylymnyń málimetinshe, kenshilerdiń eshqaısysy zardap shekken joq.

Osyǵan deıin Avstralııa mańyndaǵy aralda krýız laınerinen qalyp qoıǵan jolaýshy qaza tapqany týraly jazǵan edik.