Aýyldyń joldary jóndeledi - mınıstr

ASTANA. QazAqparat - Memleket basshysy Nursultan Nazarbaev «Nur Otan» partııasynyń XVIII sezinde aldaǵy 7 jylda jergilikti joldardy jaqsartýǵa 350 mıllıard teńge (jyl saıyn 50 mıllıardtan - avt.) bólýdi tapsyrǵan bolatyn. Úkimettiń búgingi otyrysynda QR Indýstrııa jáne ınfraqurylymdyq damý mınıstri Roman Sklıar qosymsha qarjynyń arqasynda qansha shaqyrym joldyń jóndeletinin aıtty, dep xabarlaıdy QazAqparat tilshisi.

Mınıstrdiń aıtýynsha, búginde jergilikti joldarǵa respýblıkalyq jáne jergilikti bıýdjetterden jyl saıyn 150 mıllıard teńgeden astam qarjy bólinip turady. Al qosymsha qarajattyń arqasynda atalǵan soma 200 mıllıard teńgeni quraıtyn bolady.

«Bul qarjy 5 myń shaqyrymnan astam joldy jóndeýge múmkindik bar. Joldardy jóndeý boıynsha jobalar tizbesi jasaldy. Negizgi kúsh aýyldy eldi mekenderdi damytýǵa salynady. Atalǵan sharalar 2025 jyldyń sońyna qaraı jergilikti joldardyń 95 protsentin jaqsartýǵa múmkindik beredi», - dedi R.Sklıar Úkimettiń búgingi otyrysynda.

Onyń sózine qaraǵanda, Prezıdenttiń tapsyrmasy aıasynda jeke ınvestıtsııalardyń esebinen kólik ınfraqurylymy nysandaryn modernışatsııalaý josparlanyp otyr.

Aıta keteıik, keshegi sezde Memleket basshysy jergilikti jerdegi avtojoldardyń damytýdy Úkimettiń basty mindeti retinde belgiledi.

«Osy maqsatta qosymsha 350 mıllıard teńge bólýdi tapsyramyn. Osynyń arqasynda 2025 jylǵa qaraı oblystyq jáne aýdandyq joldardyń 95 protsentin jaqsartýǵa bolady. Aımaqtaǵy kólik ınfraqurylymynyń barlyq nysandary - áýejaılar, avto jáne temirjol vokzaldaryn modernızatsııalaý qajet», - dep atap kórsetti N.Nazarbaev.