Aýyldardyń áleýeti artady - sarapshy

QOSTANAI. QazAqparat - El keleshegi úshin mańyzdy sanalyp otyrǵan «Nur Otan» partııasynyń sezinde Elbasy kóptegen aıqyn mindetti anyqtap berdi. Sonyń biri - aýyldardy damytý. «GrIn» Qostanaı oblystyq azamattar alıansy» qoǵamdyq qorynyń tóraıymy Dınara Ótebaeva endi aýyl turǵyndarynyń álýeti artady dep esepteıdi, dep habarlaıdy QazAqparat.

«Bul jolǵy jıynda Elbasynyń, ásirese, áleýmettik baǵytqa meılinshe ekpin salýy kóńilimnen shyqty. Jeke basym aýyl turǵyndaryna erekshe den qoıylatynyn ıgilikke baladym. Onyń sebebi bar. Bizdiń Alıans bazasynda osymen úshinshi jyl qoǵamdyq qabyldaý bólimi jumys isteıdi. Bizge aýyl turǵyndary jıi shaǵymmen keledi. Kóbiniń máselesi - sapaly aýyz sý men kógildir otyn qajettiligi. Sondyqtan da Memleket basshysynyń shalǵaı eldimekende turatyn halyqtyń kókeıindegini tap basqany - barshamyz úshin úlken qýanysh desem, artyq aıtpaǵanym. Elbasy aýyz sý jáne gaz tapshylyǵyn sheshý úshin qazynadan qyrýar qarjy bóletinin jetkizdi. Endigi jerde biz bılik pen qarapaıym halyq arasyndaǵy kópirge aınalyp, júıeli jumys atqaramyz dep senimmen aıta alamyn», - deıdi Dınara Ótebaeva.

Qoǵamdyq qor tóraıymy endi aýyldardyń áleýeti artady dep esepteıdi. Sebebi, aýyldyq jerlerdi damytýǵa bólingen 90 mlrd teńge kóp olqylyqtyń ornyn toltyrady.

«Árıne, aýyldarda problema jeterlik. Endi osy máseleler keshendi túrde sheshimin tabady. Memleket basshysy aýyldardy ósim núktelerine aınaldyrýymyz kerektigin qadap aıtty. Menińshe, endi árbir aýylda qandaı da bir jańa jumys orny ashylady. Ol degenińiz - jastardy aýylda ustap turýdyń birden-bir sebebi», - deıdi ol.

Aıta keteıik, Qostanaı oblysyn gazdandyrýǵa ınvestıtsııa tartý úshin oblys ákimdigi «QazMunaıGaz» UK» AQ jáne «QazTransGaz» AQ arasynda jalpy quny 13,4 mlrd teńge bolatyn memorandýmǵa qol qoıdy. Memorandýmda oblystyń 9 eldimekenin alǵash ret gazdandyrý kózdelgen. Atap aıtqanda, Áýlıekól aýdanynyń Áýlıekól, Amanqaraǵaı, Rýdnyı qalasynyń Qashar kenti, Lısakov qalasynyń Oktıabrskıı, Qarabalyq aýdanynyń Voroshılov jáne Toǵyzaq aýyldary, Denısov aýdanynyń Antonovka jáne Alchanovka aýyldary, Fedorov aýdany Fedorov selosyna gaz tartylady.