Aýstrııada daýyl bes adamnyń ómirin qıdy

VENA. QazAqparat – Aýstrııada kommýnaldyq qyzmetter eldiń batys aımaqtarynda jaýǵan qatty jańbyr men ekpindi jeldiń saldaryn joıyp jatyr. Batys Eýropada aptap ystyqtan keıin nóser jaýyn jaýyp, naızaǵaı oınaǵan bolatyn, dep habarlaıdy QazAqparat euronews-ke silteme jasap.

Polıtsııanyń málimetinshe, tabıǵı apat bes adamnyń, onyń ishinde eki balanyń ómirin qıdy. 11 jergilikti turǵyn zardap shekti. Kóptegen aýylda úıler men garajdar sý astynda qaldy, joldar búlindi.

Meteorologtardyń málimetinshe, sońǵy táýlikte Forarlberg federaldy jerine jaýyn-shashyn rekordtyq mólsherde túsken.

Qutqarý brıgadalary bir jarym myńnan astam ret kómekke shyqty. Taýly aımaqtaǵy eldi mekenderdiń biri – Volfýrtte kóshkin júrdi. Tómengi Reın alqabynda avtomobıl jolyndaǵy kólik qozǵalysy birneshe saǵatqa toqtady. Senbi kúni zardap shekken aýdandarda temirjol qatynasynda da kedergiler boldy.