Australian Open: Asyljan Arystanbekova jartylaı fınaldan tys qaldy

ASTANA. KAZINFORM – Qazaqstandyq, 17 jastaǵy Asyljan Arystanbekova juptyq synda jasóspirimder arasynda Aýstralııa ashyq chempıonatynyń jartylaı fınalyna shyǵa almady.

Qazaqstandyq tennısshi Belarýs ókili ıÝlııa Perepıhınamen birge shırek fınalda jarystyń 2-raketkalary, ulybrıtanııalyqtar Hanna Klagmen – Mıngge Sıýımen sheberlik baıqasty.

Bir saǵatqa jetpeıtin ýaqyt ishinde ulybrıtanııalyq jup 6:2, 6:2 esebimen utty. Olar 2 eıspen birge 13 breık-poınttyń jeteýin múlt jibergen joq.

Qazaqstandyq-belorýssııalyq dýet eıs jasamaǵanymen, 5 breık-poınttyń úsheýin paıdalandy. Osylaısha, Asyljan Arystanbekova jartylaı fınaldan tys qaldy.

Aýstralııa ashyq chempıonatynda Qazaqstannan Ámir Omarhanov qana qaldy.

Eske sala keteıik, budan buryn Aýstralııa ashyq chempıonatynda jasóspirimder arasynda qazaqstandyqtardan alǵash bolyp Ámir Omarhanovtyń shırek fınalǵa shyqqanyn jazǵan edik.