Aýyl ákimderine qandaı ókilettikter berilmek

ASTANA. KAZINFORM — Ortalyq kommýnıkatsııalar qyzmetindegi brıfıngte Ulttyq ekonomıka vıtse-mınıstri Baýyrjan Omarbekov aýyldyq okrýg ákimderiniń ókilettikterin keńeıtý úshin qandaı sharalar usynylyp otyrǵan aıtty. 

Vıtse-mınıstr ataǵan sharalar mynalar:

— ákimderge azamattyq qyzmetshilerdiń eńbekaqy tóleý júıesi boıynsha jumysshylardy eńbek sharty negizinde jaldaý quqyǵyn berý;

— arnaıy tehnıka men aýyl sharýashylyǵy mashınalaryn satyp alýǵa ruqsat berý, olardy halyqqa aqyly negizde qyzmet kórsetý úshin paıdalaný;

— ákimder men olardyń apparattarynyń ókilettikterin keńeıtý;

— qoǵamdyq oryndardy abattandyrý, balalar oıyn alańdaryn paıdalanýǵa baqylaý júrgizý, aqyly qyzmetter usyný jáne basqalary.

— Bul jańashyldyqtar Májilis depýtattarymen qosymsha talqylanyp, zańnamalyq bastamalar aıasynda júzege asyrylatyn bolady, — dedi ol.

Sonymen qatar Baýyrjan Omarbekov aýyl bıýdjetin arttyrý úshin zańdy jáne jeke tulǵalardyń múlik salyǵynyń bir bóligin aýdarý, ý resýrstaryn paıdalanǵany úshin tólem, belgili bir qyzmet túrlerimen aınalysý quqyǵy úshin lıtsenzııalyq alym, lıtsenzııalar men ruqsattardy paıdalanǵany úshin tólem syndy keıbir kiris kózderin berý josparlanyp otyrǵanyn aıtty.

Buǵan deıin 97 paıyzdan astam aýyl ákimderi saılaý arqyly taǵaıyndalǵanyn jazǵan edik.