Atyraýlyq kásipker 40 otbasyna azyq-túlik taratty

ATYRAÝ. QazAqparat – Atyraý oblysynda kásipker Álibek Semǵalıev QR Tuńǵysh Prezıdenti-Elbasy Nursultan Nazarbaevtyń koronavırýsqa qarsy kúreste arnaıy qor qurý jónindegi usynysyn qoldap, «Biz birgemiz» aktsııasy aıasynda Isataı aýdanyndaǵy turmysy tómen 40 otbasyna azyq-túlik taratty, dep habarlaıdy QazAqparat.

«Baqytty kúnderińniń qadirin basyńa is túskende bilersiń» demekshi, álemdi jaılaǵan indet kópshilikke qolda bardy baǵalaýdy úıretip jatyr. Keń dúnıeniń bir mezette tarylmasy anyq. Sondyqtan, sabyr saqtaıyq. Tótenshe jaǵdaı da, keıbir shekteýler de – barshamyzdyń saqtyǵymyz úshin jasalǵan qadam. Qazaq – talaı qıyndyqty jeńgen, erteńgi kúnge senimmen qaraǵan halyq. Biz bul synnan da aman-esen ótemiz», - deıdi kásipker.

Álibek Semǵalıevtiń sózine sensek, tótenshe jaǵdaı engizilgeli beri muqtaj jandardy áleýmettik mańyzy bar azyq-túlikpen qamtýdy bastaǵan.

«Keshe Isataı aýdanyndaǵy 40 otbasyna azyq-túlik aparyp berdim. Bul ıgi bastamaǵa, qaıyrymdylyq iske barlyq kásipker atsalyssa eken» -deıdi Álibek Semǵalıev.