Atyraýda turǵyn úı órtenip, 8 bala qutqaryldy
Oblystyq tótenshe jaǵdaılar departamenti qoǵammen baılanys tobynyń málimetinshe, órt búgin, 15 tamyzda tutanǵan.
Bul týraly habar departamenttiń dıspetcherlik pýltine saǵat 13:44-te túsken.
«Oqıǵa ornyna jetken órt sóndirýshiler Atyraý qalasynyń Q.Sátpaev kóshesindegi turǵyn úıdiń 5-qabatyndaǵy páterdiń janyp jatqanyn anyqtady. Páterdiń 12 sharshy metrlik bólmesinde úı zattary, jıhaz ben turmystyq tehnıka órtengen. Qutqarýshylar órtengen páter ornalasqan kireberistegi páterlerden 14 adamdy, onyń ishinde 8 bala evakýatsııalandy», -dep habarlady departamenttiń qoǵammen baılanys tobynan.
Páterdegi jalyn saǵat 14:08-de órt sóndirildi. Órtten qaza bolǵandar men zardap shekkender joq. Aldyn ala boljamǵa sáıkes órttiń tutanýyna elektr symdarynyń qysqa tuıyqtalýy sebep bolǵan.
Jalyndy sóndirýge tótenshe jaǵdaılar departamentinen 6 qyzmetker men 2 tehnıkasy jumyldyryldy.
Eske sala ketelik, buǵan deıin Atyraý oblysynda 159 órt tirkelip, 2 adam qaza tapqanyn habarlaǵan edik.
«Oblys aýmaǵynda bıylǵy 7 aıda 159 tehnogendik sıpattaǵy órt oqıǵasy tirkelip otyr. Bul ótken jylmen salystyrǵanda, 13,5 paıyzǵa az. Jalynnyń saldarynan 11 adam shegip, byltyrǵydan 8,3 paıyzǵa tómendedi. Ókinishke qaraı, órtten 2 adam qaza tapty», - deıdi departamenttiń aǵa ınjeneri, azamattyq qorǵaý aǵa leıtenanty B. Qabaqov.
