Atyraýda polıtsııa kóligi órtenip ketti

ATYRAÝ. QazAqparat – Atyraýda polıtsııa kóligi órtenip ketti, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, órt 1 qazanda saǵat 18:30 shamasynda bolǵan.

«Atyraý qalasyndaǵy Azattyq dańǵylynda «Nissan Almera» qyzmettik kóliginen órt shyqty. Órt kóliktegi elektr symdarynyń tuıyqtalýynan tutanǵan. Qazir polıtsııa qyzmetkerleri órttiń shyǵý sebebin anyqtaý úshin tekserý júrgizip jatyr» - dedi departamenttiń baspasóz qyzmeti.

Eske sala ketelik, buǵan deıin Atyraýǵa Armenııadan ákelingen kólik jol boıynda órtengenin habarlaǵan edik.