Atyraýda oblystyq aýrýhanada gemodıalız ortalyǵy ashyldy
Óńirlik kommýnıkatsııalar qyzmetiniń málimetinshe, jańa ortalyq «BB Nýra» kompanııasy men oblystyq aýrýhana arasyndaǵy memleket-jekemenshik áriptestigi aıasynda jumys isteı bastady. ashylyp otyr.
«Aıyna 80 emdelýshini qabyldaýǵa arnalǵan ortalyqta birqatar em-dom júrgiziledi. Búırek jetispeýshiligimen aýyratyn naýqastar stantsıonarlyq jaǵdaıda emdeledi. Sozylmaly búırek aýrýynyń kórsetkishin tómendetý maqsatynda profılaktıkalyq sharalar uıymdastyrylady. Qazir mundaǵy ýrologııa jáne gemodıalız kafedrasynda arnaıy 11 gemodıalız apparaty men detoksıkatsııanyń basqa túrlerine arnalǵan úsh apparat bar», -dep habarlady óńirlik kommýnıkatsııalar qyzmeti.
Aýrýhana mamandarynyń aıtýynsha, gemodıalız protsedýrasynyń quny - shamamen 40 000 teńge.
Mindetti medıtsınalyq saqtandyrý aıasynda barlyq qyzmet tegin kórsetiledi.
Eske sala ketelik, buǵan deıin Atyraýda aýrýhananyń klınıkalyq-dıagnostıkalyq bólimshesi jumysyn qaıta bastaǵanyn habarlaǵan bolatynbyz.
