Atyraýda «Eriktiler 50+» klýby quryldy
Sońǵy kezde elimizde qınalǵan jandarǵa qol ushyn sozyp, meıirim tanytýǵa jasy 50-den asqandar da nıet tanytyp otyr. Sondaı jandar «Eriktiler 50+» klýbynyń quramyna enip, Atyraýdaǵy Qarttar úıine keldi.
«Qarttar úıin tańdaýdaǵy basty sebep – taǵdyr tálkegine tap bolǵan qamkóńil jandarǵa dostyq-baýyrlastyq nıetimizdi bildirip, syrlasý. Óıtkeni, bul úıdi meken etetinderdiń deni – qarııalar. Olarǵa udaıy qoldaý kórsetip, meıirim tanytý qajet. Bizdiń bul maqsatymyz oryndaldy. Qarııalar bizdiń klýbtyń múshelerimen qosyla án shyrqady. Jastyq shaǵyn eske alyp, bir serpilip qaldy», - deıdi «Atamura» qoǵamdyq qorynyń jetekshisi Aǵıba Mustajapqyzy.
Klýb músheleri Qarttar úıindegi jandarmen birge psıhologııalyq trenıngter uıymdastyryp, ıoga jattyǵýlaryn jasady. Qarttarmen jarasymdy áńgime-dúken qurdy. Qos tarap ta «ádettegiden ózge sharadan mol áser aldyq» degen oımen tarqasty.
Endi klýb músheleri Qarttar úıiniń turǵyndarymen teatrǵa, kontsertterge birge barýdy josparlap otyr. Sonymen birge, «Eriktiler 50+» klýbynyń múshelerin arttyrýdy da kózdeýde.
Joldasbek Kósherbaıuly