Atyraý oblysynyń turǵyndary MÁMS esebinen kúrdeli ota jasatty
«Áleýmettik medıtsınalyq saqtandyrý qory» KeAQ Atyraý oblystyq fılıalynyń dırektory Baıtolla Ǵazızovtiń aıtýynsha, bıylǵy 6 aıda óńir turǵyndaryna 79 joǵary tehnologııalyq medıtsınalyq qyzmet (JTMQ) kórsetilgen.
«Bul – medıtsınadaǵy kúrdeli, ári biregeı tehnologııalardyń kómegimen, biliktiligi joǵary
mamandar tarapynan jasalatyn qyzmet túrleri. Oǵan júrek, baýyr, búırek almastyrý, mıdaǵy isikti sylyp alý, tuqym qýalaıtyn jáne júıelik aýrýlardy, leıkoz, endokrındik júıedegi aqaýlardy emdeý, júrekke, ózge de aǵza múshelerine jasalatyn asa kúrdeli hırýrgııalyq otalar jatady» -deıdi Baıtolla Ǵazızov.
Onyń aıtýynsha, jyl basynan beri Mahambet aýdandyq aýrýhanasy joldaǵan 73 patsıent
kvota berilgen. Patsıentter joǵary tehnologııalyq qyzmet túrleri boıynsha MÁMS paketi sheńberinde respýblıkalyq ǵylymı ortalyqtarda emdelip qaıtqan.
«Máselen, osy aýdandaǵy Esbol aýylynyń turǵyny Aıgúl Rahymǵalıeva jumys istemeıdi. Oǵan Nur-Sultan qalasyndaǵy Ulttyq ǵylymı neırohırýrgııa ortalyǵynda asa kúrdeli ota jasaldy. Al, Sarytoǵaı aýylynda turatyn Nurman Shakımovqa da atalǵan ortalyqta bir ret osyndaı ota jasalǵan edi. Endi patsıent 2-otaǵa daıyndalyp jatyr. Al, Mahambet aýylynyń turǵyny Seıitjan Sebekov elordadaǵy Travmatologııa jáne ortopedııa ǵylymı zertteý ınstıtýtynda ota jasatty. Bul otalardyń aqysy
medıtsınalyq saqtandyrý qarajaty esebinen tólenip otyr» -dep málim etti Baıtolla Ǵazızov.
Eske sala ketelik, budan buryn Atyraýda týa bitken patologııasy bar balaǵa, keıinnen elordalyq bilikti dáriger bes balaǵa ota jasaǵanyn jazǵan bolatynbyz.
