Atyraýdaǵy qoqys polıgonyndaǵy órt tolyqtaı sóndirildi
ATYRAÝ. KAZINFORM - Jedel qyzmetter qatty turmystyq qaldyqtar polıgonyndaǵy órtti sóndirip jáne oqshaýlap, onyń aýmaqtan tys jerlerge taralýyna jol bergen joq.
Tilsiz jaýdy aýyzdyqtaýǵa Atyraý oblysy Tótenshe jaǵdaılar departamenti men «ArnaýlyAvtoBaza» JShS-inen barlyǵy 35 tehnıka jáne 65 adam jumyldyryldy. Órttiń jalpy aýmaǵy 2500 sharshy metr shamasynda.
Qazirgi ýaqytta aýmaqta órttiń qaıta tutanýynyń aldyn alý maqsatynda qosymsha monıtorıng jumystary júrip jatyr. Turǵyndarǵa, áleýmettik jáne ınjenerlik ınfraqurylym nysandaryna qaýip joq.
Oblysta qatty turmystyq qaldyqtarmen jumys júıesin jańartý baǵytynda keshendi baǵdarlama iske asyrylyp jatyr. Búginde 50 gektar aýmaqta jańa polıgon salý jáne qoldanystaǵy polıgondy rekýltıvatsııalaý boıynsha merdiger uıymdar anyqtaldy.