Atyraýdaǵy alańda pil ústine topyraq shashyp júr

ATYRAÝ. KAZINFORM – Atyraý qalasynyń kóshesindegi alańda pil júr.

Bul týraly áleýmettik jeli men WhatsApp messendjerinde vıdeo tarady. Atyraýlyqtar shahar kóshesindegi pildiń jaǵdaıyna alańdaýshylyq bildirdi.

Shahar turǵyndary kóshede júretin tórt túlikke tańdana qoımaıdy. Óıtkeni, bul úırenshikti jaıtqa aınalǵan.

Bir qyzyǵy, pil júrgen aýmaqta tal japyraǵyn jep turǵan 6 túıe de bar. Ol topyraqty ústine shashyp tur.

«Atyraýda sý joq, baıǵus pil ústine topyraq shashyp tur. Kózinen jas aǵyp jylap tur ǵoı», -deıdi vıedo avtory.

Ázirge pildiń qaıdan kelgenin anyqtaý múmkin bolmady. Bálkim, tsırkten shyǵyp ketken bolýy múmkin. Álde pil asyraıtyndar bar ma?

Eske sala ketelik, budan buryn atyraýlyq jigit «tankpen» kóshedegi aram shópti shaýyp júrgenin habarlaǵan bolatynbyz.