Atyraýda qurbandyq malyn soıatyn 5 oryn belgilendi

ATYRAÝ. KAZINFORM – Atyraý qalasynda qurbandyq malyn soıatyn 5 oryn belgilendi.

Atyraýdaǵy «Imanǵalı» ortalyq meshitiniń baspasóz qyzmetinen málim etkendeı, Qurban aıt meıramy kezinde qurbandyq malyn arnaıy belgilengen 5 orynda shalý usynylyp otyr. Osyǵan oraı Qurban aıt kúnderi «Týma», «Asyl agro», «Qýanysh», «Atyraý et ortalyǵy», «Adal» mal bazarlarynda qurbandyq shalatyn maldy soıýǵa múmkindik bar.

«Jergilikti atqarýshy bılik organdarynyń ókilderimen birge jergilikti mal bazarlarynyń qazirgi jaı-kúıin tekserip shyqtyq. Satýshylarǵa Qurban aıt kúnderi satylymǵa shyǵarylatyn mal baǵasyn sharyqtatpaı, bir deńgeıde ustaýdy eskerttik. Qurbandyqqa aqsaq, aryq, qulaǵynyń kóp bóligi kesilgen maldyń jaramaıtynyn, alty aıdan asqan qoıdy shalýǵa bolatynyn túsindirdik. Qurban aıt kúnderi qurbandyq maly shalynatyn bazarlardyń aýmaǵy taza bolǵany jón. Al, qasapshylar QMDB uıymdastyrǵan semınarǵa qatysyp, keńes alýy qajet», - deıdi bas ımam Altynbek Utyshanuly.

Eske sala ketelik, buǵan deıin elimizde Qurban aıt qashan bastalatyny, al 17 maýsym – jumys kúni ekeni habarlaǵan edi.