Atyraýda er adam 8 jasar qyzdy alyp ketpek boldy

ATYRAÝ. KAZINFORM — Oqıǵa Nursaıa Bolashaq shaǵynaýdanynda keshki ýaqytta bolǵan. Belgisiz er adam kámeletke tolmaǵan qyzdy ertip áketýge árekettengen. Alaıda turǵyndar kúdikti áreketti baıqap, aralasyp úlgergen.

Olar er adamdy ustap, oqıǵa ornyna polıtsııa shaqyrǵan.

Áleýmettik jelilerde taraǵan aqparatqa sáıkes, er adam qashyp úlgergenimen, kóp uzamaı tártip saqshylary kúdiktini ustaǵan.

— Atalǵan derek boıynsha polıtsııa qyzmetkerleri 1987 jyly týǵan kúdiktini anyqtap, ustady. Qazirgi ýaqytta oǵan qatysty qylmystyq is qozǵalyp, sotqa deıingi tergep-tekserý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, — dep habarlady Kazinform agenttigine Atyraý oblysy polıtsııa departamenti.

Buǵan deıin Almatyda jasóspirim 2 jasar balany kóterip, jerge laqtyryp jibergenin jazǵanbyz.