500 sharshy metr aýmaq: Atyraýda «Dına» saýda ortalyǵyndaǵy órt sóndirildi

ASTANA. KAZINFORM — Qazir órt tolyqtaı sóndirildi. Aýqymdy órtti sóndirýge 12 tehnıka, 76 órt sóndirý qyzmetkeri jumyldyryldy, dep habarlaıdy TJM baspasóz qyzmeti.

Atyraý oblysy TJD ÓSjAQJUB bastyǵynyń orynbasary Nurlybek Qatapovtyń sózinshe, órtten zardap shekkender joq.

— Búgin saǵat 04:07–de Atyraý qalasy Beıbarys dańǵyly 1 mekenjaıynda ornalasqan «Dına» saýda ortalyǵy aýmaǵynda tútin shyǵyp jatqany jóninde habarlama tústi. Shaqyrtýǵa tótenshe jaǵdaı departamentiniń joǵarǵy ekinshi rangy boıynsha kúsh-quraldary jiberildi. Kelip jetkende «Dına» saýda ortalyǵyndaǵy 13, 16-bloktardyń jalpy aýdany 600 sh. m. bolatyn sonyń ishinde 500 sh. m. bóliginiń, ıaǵnı kıim-keshekter men aıaq kıimderdiń tolyqtaı órtenýi anyqtaldy. Órt saǵat 06:15–te tolyqtaı joıyldy. Jalpy 12 tehnıka, 76 órt sóndirý qyzmetkeri qyzyl jalyndy aýyzdyqtaýǵa atsalysty. Zardap shekkender men jaraqat alǵandar joq, — dedi Nurlybek Qatapov.

Budan buryn Atyraý qalasyndaǵy bazar aýmaǵynda órt shyǵyp, Oqıǵa ornynda jedel shtab qurylyp, 4 ýchaske boıynsha jumys júrgizilgenin jazǵan edik.