Atyraýda 8-9 sáýirde jylý jelilerinde temperatýra parametri kóteriledi

ATYRAÝ. KAZINFORM – Atyraýda eki kún qatarynan jylytý jáne ystyq sýmen jabdyqtaý jelilerinde temperatýra parametrin kóterý josparlanyp otyr.

«Atyraý jylý júıeleri» AQ-nyń málimetinshe, 8-9 sáýirde magıstraldy jylý jelilerinde jylý tasymaldaǵyshtyń eseptik temperatýrasyna josparly synaq júrgiziledi. 

– Synaq kezeńinde jylytý jáne ystyq sýmen jabdyqtaý jelilerinde temperatýra parametrleri kóteriledi. Úı-jaılardyń ishki temperatýrasyn tómendetý maqsatynda qarqyndy jeldetý usynylady. Osyǵan baılanysty ýaqytsha qolaısyzdyqtar úshin keshirim suraımyz. Qaýipsizdik, termııalyq kúıik alýdan saqtaný úshin jylý qubyrlaryna 10 metrden kem qashyqtyqta jaqyndamaý kerek. Qaýipti aýmaqta balalardy, úı janýarlaryn, avtokólik pen basqa da jeke zattardy qaraýsyz qaldyrmaǵan jón, - dep habarlady kompanııadan. 

Alaıda kompanııa jylý berý maýsymy qashan toqtatylatynyn naqtylaǵan joq. 

Eske sala ketelik, budan buryn Almatyda jylý qashan óshiriletini habarlanǵan edi.