Atyraýda 46 jastaǵy áıeldi óltirgen kúdikti qamaýǵa alyndy

ATYRAÝ. KAZINFORM – Atyraýda 46 jastaǵy áıeldi óltirgen 38 jastaǵy er adam ustaldy. Kúdikti qamaýǵa alyndy.

Atyraý oblystyq polıtsııa departamentiniń baspasóz qyzmeti málim etken aqparatqa qaraǵanda, kúdikti áıeldi úıinde óltirgen. 

– Krımınaldyq polıtsııa basqarmasy qyzmetkerleri jedel-izdestirý sharasyn júrgizip, 1979 jylǵy áıeldi turǵyn úıinde óltirgen 1987 jylǵy kúdiktini ustady. Kúdikti qamaýǵa alyndy. Odan zattaı aıǵaqtar tabylyp, tárkilendi. Qazir QR Qylmystyq kodekstiń 99-babynyń 2 bóligimen (Adam óltirý) qylmystyq is tirkeldi. Keshendi tergeý amaldary júrgizilip jatyr, - dep habarlady baspasóz qyzmeti.

Qylmystyq isti tergeý departament bastyǵynyń baqylaýyna alynǵan.

Eske sala ketelik, budan buryn Atyraýda áıeldiń ólimine baılanysty qylmystyq is qozǵalǵanyn jazǵan bolatynbyz.