Atyraýda shańdy daýyl qalany basyp qaldy

ATYRAÝ. KAZINFORM - Búgin Atyraý shań men topyraqtyń astynda qaldy.

Turǵyndardyń aıtýynsha, keı jerlerde aınala múlde kórinbeı, qatty jel kótergen shań ǵımarattar men joldardy basyp qalǵan. 

Sınoptıkterdiń sózinshe, teńizdiń tartylýyna baılanysty ashylyp qalǵan usaq qum men tuz jeldiń áserinen aýaǵa kóterilip, qalany shań basýyna ákep soqty.

«Kazgıdromet» RMK AOF mamandarynyń aıtýynsha, jaqyn kúnderi Atyraý oblysy soltústik-batys tsıklonynyń áserinde bolady. Sondyqtan ekpindi jel men shańdy daýyldyń qaıtalaný yqtımaldyǵy joǵary.

Boljam boıynsha Atyraý qalasynda shańdy daýyl erteń de jalǵasady. Shyǵystan soǵatyn jeldiń jyldamdyǵy 9-14 m/s, aýa temperatýrasy túnde 3-5, kúndiz 12-14 gradýs jyly bolady degen boljam bar.

- 17-18 naýryz oblystyń batysynda, ońtústiginde azdaǵan jańbyr, oblystyń soltústiginde tuman, batysynda, ońtústiginde shańdy daýyl turady. Ońtústik-shyǵystan jel soǵady, kúshi 9-14 m/s, 15 naýryz oblystyń batysynda, ońtústiginde 15-20 m/s, 16-17 naýryz ekpini 15-20 m/s, 18-20 naýryz oblystyń batysynda, ońtústiginde 15-20 m/s. Aýa temperatýrasy túnde 3 gradýs aıaz, 2 gradýs jyly, oblystyń shyǵysynda 6 gradýs aıazdan 0-5 jyly, oblystyń shyǵysynda 3 gradýs aıaz aralyǵynda aýytqıdy, kúndiz 10-15, oblystyń soltústiginde 7 gradýstan 13-18 gradýsqa deıin jylıdy,-dep málimdedi Kazgıdromet RMK AOF.

Osyǵan deıin aldaǵy kúnderi Qazaqstan Respýblıkasynyń basym bóliginde kúndiz aýa temperatýrasy odan ári kóteriletinin jazǵan edik.