Asý Almabaev UFC-de alǵash ret jeńildi

ASTANA. KAZINFORM - Qazaqstandyq aralas jekpe-jek sheberi Asý Almabaev (21-2-0) UFC-de alǵash ret jeńilis tapty.

Qazaqstandyq sportshy Las-Vegasta (AQSh) ótken UFCVegas 103 keshiniń basty jepe-jeginde portýgalııalyq faıter Manel Kapemen (20-7-0) aıqasty.

Bes raýndqa josparlanǵan aıqas, úshinshi raýndtyń ortasynda aıaqtaldy. Asý qarsylastyń aýyr soqqysyna tótep bere almaı, oktagondy aınala júgirdi. Osy kezde, tóreshi jekpe-jek aıaqtaldy dep jarııalady.

Osylaısha, qazaqstandyq faıter UFC-degi besinshi jekpe-jegin sátsiz aıaqtady. Ol osyǵan deıin qatarynan tórt ret jeńiske jetken bolatyn. 

Osyǵan deıin habarlaǵanymyzdaı, 30 jastaǵy Asý Almabaev UFC-diń eń jeńil salmaqtaǵy reıtıngisinde 8-shy orynda, al 31 jastaǵy portýgalııalyq 6-shy orynda turǵan edi.