Astananyń shetinde qý shóp janyp jatyr
ASTANA. QazAqparat – Astana qalasy Saryarqa aýdanynyń saıajaı massıvinde qý shóp tutanyp, shamamen 1 gektar aýmaqty jalyn sharpyǵan, dep habarlaıdy QazAqparat tilshisi.
Qalalyq tótenshe jaǵdaılar departamenti órt sóndirýshiler oqıǵa ornyna jetkenin málim etti.
«Saǵat 16.14-te Astana tótenshe jaǵdaılar departamentiniń bólimsheleri kezekti shaqyrtýǵa shyqty. Bul joly Qorǵaljyń tasjolynyń boıynda, Kóktal-1 turǵyn alaby baǵytynda tútin shyqqany týraly dabyl túsken. Órt sóndirýshiler oqıǵa ornyna jetip, qý shópten tutanǵa órt butany shalǵanyn, aldyn ala esep boıynsha 1 gektar aýmaqqa jaıylǵanyn anyqtady», - delingen departamenttiń baspasóz qyzmeti taratqan málimette.
Departamenttiń dereginshe, qazir ol jerde órt sóndirý jasaqtary men qala ákimdigine tıesili sý shashatyn kólikter jumys istep jatyr.
