QMA: Shymkentte kásipkerdiń 25 mln teńgesin jymqyrǵan kúdikti qamaýǵa alyndy
ASTANA. KAZINFORM — QMA Shymkent qalasy boıynsha departamenti ózin ekonomıkalyq tergep-tekserý qyzmetiniń qyzmetkeri retinde tanystyrǵan tulǵanyń zańsyz áreketiniń jolyn kesti.
2025 jylǵy qyrkúıek aıynda azamat ETQ qyzmetkeri retinde tanysyp, jergilikti kompanııalardyń biriniń basshysynan aldaý jolymen 25 mln teńgeni ıemdengen.
Aqsha qarajaty medıtsınalyq mekemeni tekserýge jatatyn sýbektiler tiziminen shyǵaryp berýge yqpal etý syltaýymen alynǵan.
— Kúdikti ustalyp, ýaqytsha ustaý ızolıatoryna qamaldy. Sotqa deıingi tergep-tekserý jalǵasyp jatyr. QR QPK-niń 201-babyna sáıkes ózge aqparat tergeý múddesine baılanysty jarııalaýǵa jatpaıdy, — delingen habarlamada.
Qarjylyq monıtorıng agenttigi azamattardy saq bolýǵa, aqparatty tek resmı derekkózder arqyly tekserýge jáne alaıaqtardyń aılasyna aldanbaýǵa shaqyrady.
Osydan buryn alaıaqtyq jasaǵany úshin halyqaralyq izdeýde júrgen er adam Óskemende ustalǵanyn jazǵan edik.
