Astanalyqtar sheteldik kýrorttarǵa jıi barady
ASTANA. 13 tamyz. QazAqparat - Elordalyqtar shetelge demalýǵa jıi barady. 2008 jyly jerlesterimiz shetelge 2,4 myń ret barsa, 2012 jyly bul kórsetkish 8,2 esege artyp, 19,6 myńdy quraǵan, dep habarlady astana.kz saıtyna Astana qalasynyń Statıstıka departamentiniń baspasóz qyzmetinen.
Sońǵy jyldary demalys jaǵrapııasy túrlenip, 2012 jyldyń málimetteri boıynsha týrısterdiń basym bóligi Túrkııa, BAÁ jáne Taıland elderin tańdaǵan.
Munymen qosa, elorda turǵyndary jergilikti kýrorttardy da unatady. Eger otandyq demalys oryndarynda 2008 jyly 25,6 myń adam demalsa, 2012 jyly bul kórsetkish 24,8 myń adamdy quraǵan. Al, 2013 jylǵy sheteldik týrıstik saparlarǵa kelsek, birinshi toqsanda sheteldik kýrorttarǵa 10,2 myń astanalyq barǵan, ıaǵnı, bul 2012 jyldyń sáıkes kezeńinen 2,8 esege artyq.
Astananyń áleýmettik-ekonomıkalyq ómirinde bolǵan sońǵy jyldardaǵy ózgerister týrızm salasyndaǵy usynystardy qazirgi bolyp jatqan suranysqa barynsha sáıkestendirip, kóbeıtýge múmkindik beredi. Zamanaýı kelbeti, ınfraqurylymy bar elimizdiń jas astanasy retinde qalamyzǵa degen jappaı qyzyǵýshylyqtyń artýy - týrızm salasyn sıpattaıtyn birqatar kórsetkishtermen rastalady.
2012 jyly Astanaǵa kelgen sheteldik azamattardyń jalpy sanynyń 43,8%-y TMD elderinen kelgen. Aıta keteıik, onyń basym bóligi Reseıden (95,8%) jáne Ýkraınadan (3,5%) kelgen. Rezıdent emes týrıster saıahattaý kezinde áýe kólikterin tańdaıdy.
