Astanalyqtar Naýryz merekesin atap ótýde

ASTANA. 22 naýryz. QazAqparat - Búgin elordadaǵy sýyq aýa raıyna qaramastan astanalyqtar Naýryz meıramyn kóterińki kóńil-kúımen atap ótýde.

Tańerteńgi saǵat 10-nan bastap qalalyq ákimdiktiń aldyndaǵy alańǵa halyq kóptep jınaldy. Munda 10 kıiz úı boı kóterdi. Merekeniń qonaqtary arqan tartý, kir tasyn kóteri, qazaqsha kúres jáne ózge de sporttyq jarystarǵa qatysýda.

Osy ýaqytta merekelik kontsert ótýde. Alańda aýdandardyń shyǵarmashylyq ujymdary men Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń ártisteri óner kórsetýde. Alańnyń basqa ýchaskelerinde saýda-sattyq ótkizilýde.

Búgin saǵat 18:00-den 22:00-ge deıin jastardyń bı keshi ótedi, oǵan Astananyń shyǵarmashylyq ujymdary men qazaqstandyq estradanyń juldyzdary Altynaı Jorabaeva, Aqylbek Jemeneı, Qaırat Nurtas, Marjan Arapbaeva, «Aldaspan» toby jáne taǵy basqalary qatysady.