Astanalyq volonterler 5 myń tekshe metr qar kúredi
«Mundaı jıyndap aptasyna eki ret ótip turady. Munda balalar bapker-volonterlermen birge jumys isteıdi. Bul eriktiler kezinde Arysqa baryp erikti jumys istegen. Shet elderde erikti bolǵan jastar da bar. ıAǵnı, olar shet elderde oqyǵanda qosymsha volonterlyqpen aınalysqan», - dedi Nur-Sultan qalasy Jastar saıasaty basqarmasynyń basshysy Dáýlet Káribek.
Onyń aıtýynsha, elordalyq volonterler túrli salalarda adamdarǵa kómektesedi. Máselen, ótken aptada eriktiler 5 myńǵa jýyq tekshe metr qar kúrep shyǵarǵan.
Jalpy eriktiler 7 baǵyt boıynsha jumys isteıdi. «Sabastastyq» jobasy aıasynda eriktiler balalar úıiniń tárbıelenýshilerine qamqorlyq jasaıdy. «Saýlyq» baǵyty boıynsha medıtsınalyq eriktilikti damytyp, naýqastarǵa kómek kórsetedi. «Taza Álem» jobasynda – qorshaǵan ortany qorǵaý, ózender men ormandardy tazartý, aǵash otyrǵyzý jáne qoqysty suryptaýǵa úıretedi.
«Asyl mura» baǵyty arqyly eriktiler halqymyzdyń materıaldyq jáne rýhanı mádenı-tarıhı murasyn saqtaýǵa qatysady. «Qamqor» jobasy qarttar úıindegi eriktiler jumysyna baǵyttalǵan. «Bilim» jobasy aýyldyq mektepterdegi joǵary synyp oqýshylaryna UBT-ǵa daıyndalýǵa, aǵylshyn jáne kompıýterlik saýattylyqqa úıretýdi kózdeıdi. Al «Úmit» jobasyndaǵy eriktiler qazaqstandyqtardyń soǵystaǵy erlikteri týraly qujattardy izdeýge kómektesedi.
«Nur Sultan qalasynda eriktiler shtabyn qurdyq, onyń quramynda 2 myńǵa jýyq volonter bar. Biz únemi «Astana jastary» qozǵalysynyń aınalasyna eriktilerdi jınaımyz jáne biriktiremiz», - dedi D.Káribek.
