Astanalyq stýdentter Shymkenttegi pándik olımpıadadan oljaly oraldy
ASTANA. 4 sáýir. QazAqparat - Shymkent qalasynyń M.Áýezov atyndaǵy Ońtústik Qazaqstan Memlekettik ýnıversıtetinde «Áleýmettik-mádenı servıs» mamandyǵy boıynsha IV Respýblıkalyq pándik olımpıada ótti.
Olımpıadaǵa respýblıkanyń 9 joǵary oqý orny qatysty.
Bilim dodasyna Astanadan S.Seıfýllın atyndaǵy Qazaq agrotehnıkalyq ýnıversıtetiniń delegatsııasy qatysty. «Marketıng jáne servıs» kafedrasynyń aǵa oqytýshysy Janar Úsenovanyń jetekshiligimen «Áleýmettik-mádenı servıs» mamandyǵynyń 2 kýrs stýdentteri Ásel Áblenova, Ýmıda Ǵabbasova, Ásemgúl Muqysheva men Aleksandra Mılýshevalar bilimderin joǵary dárejede kórsete aldy.
Stýdenttik olımpıada 2 kezeńnen turdy. Onyń birinshisinde qatysýshylar «Servıs ınfraqurylymy», «Turmystyq qyzmet kórsetý jáne servıs tehnologııasy», «Servıs menedjmenti» pánderi boıynsha 300 suraqtan turatyn testige jaýap berip, qabiletteri men teorııalyq bilimderin kórsetti. ІІ kezeńde árbir qatysýshysy qyzmet kórsetý salasynyń bir baǵytynda daıyndalǵan óziniń jobasyn usyndy.
Olımpıada nátıjesi boıynsha S.Seıfýllın atyndaǵy Qazaq agrotehnıkalyq ýnıversıtetiniń stýdentteri júldeli 2-inshi oryndy ıelendi.
