Astanadaǵy Barys City turǵyn úı kesheninde órt boldy
ASTANA. QazAqparat – Astanadaǵy «Barys City» turǵyn úı kesheninde órt boldy. Ekinshi qabattaǵy páterdiń balkony janǵan, dep habarlaıdy QazAqparat tilshisi.
Elordalyq TJD baspasóz qyzmeti málim etkendeı, Órt sóndirý qyzmetine búgin saǵat 08:28-de Turan 46 a dańǵylyndaǵy «Barys City» turǵyn úı kesheinde órt bolyp jatqany týraly habar kelip túsken. Oqıǵa ornyna jetken órt sóndirýshiler ekinshi qabattaǵy páterdiń balkony janyp jatqanyn anyqtady.
«Qatty tútin boldy. Jedel jáne úılesimdi is-qımyldyń nátıjesinde qutqarýshylar turǵyndardy evakýatsııalaýǵa kiristi. 16 adamdy evakýatsııalady. Onyń 6-aýy – bala. Saǵat 09:10-da órt sóndirildi, zardap shekkender joq. Órt 20 sharshy metr aýmaqty sharpyǵan. Órtti sóndirýge 12 qyzmetker men 3 tehnıka jumyldyryldy», - dep habarlady Astana qalalyq TJD baspasóz qyzmeti.
