Elordadaǵy boks keshine Mahmud jáne Tórehan Sabyrhan qatysady
ASTANA. KAZINFORM - Bokstan Qazaqstan quramasynyń sapyndaǵy aǵaıyndy Mahmud Sabyrhan men Tórehan Sabyrhan 5 sáýirde kásipqoı rıngtegi alǵashqy jekpe-jegin ótkizedi.
Aǵaıyndy bylǵary qolǵap sheberleri Astanadaǵy boks keshinde sharshy alańǵa shyǵady. Basty jekpe-jek orta salmaqtaǵy WBO jáne IBF chempıondyq ataǵyn qorǵaý úshin qazaqstandyq boksshy Jánibek Álimhanuly men frantsııalyq Anaýel Ngamıssenge arasynda ótedi.
Mahmud jáne Tórehannyń qarsylasy kim? Ázirge bul jóninde eshqandaı aqparat joq.
Sportshylar áleýmettik jelidegi paraqshasynda aldaǵy jekpe-jekteri jóninde habarlandyrý jarıalady.
Aıta ketsek, 5 sáýir kúni Astanada Batyr Júkembaev, Sultan Zaýrbek, Bahodır Djalolov jáne ózge de boksshylar synǵa túsedi.
Eske salsaq, budan buryn «Adrııa injýi» týrnırinde qazaqstandyq 17 boksshy júldeger atandy.