Astanada JRVI órship tur
Elordalyqtar arasynda sońǵy eki apta jiti respıratorlyq vırýstyq ınfektsııasy (JRVI) jıi taralyp jatyr, dep habarlaıdy Kazinform.
«Jiti respıratorlyq vırýstyq ınfektsııa (JRVI) – aýa tamshyly jolmen taralatyn, dene temperatýrasynyń joǵarylaýymen, ıntoksıkatsııa belgilerimen jáne tynys alý joldarynyń ár túrli bólimderiniń zaqymdalýymen júretin jáne túrli vırýstarmen shaqyrylatyn aýrý túri», - dedi Astana medıtsına ýnıversıteti balalar juqpaly aýrýlary kafedrasynyń dotsenti Baıan Turdalına Astana qalalyq kommýnıkatsııalar qyzmeti alańynda ótken baspasóz máslıhatynda.
Brıfıngide berilgen málimetke sáıkes, elordada vırýstyq ınfektsııalar men tumaýdyń epıdemııalyq maýsymy qyrkúıektiń aıaǵynda bastalǵan.
Maýsymnyń birinshi aptasynda elorda turǵyndary arasynda 12 876 JRVI jaǵdaıy tirkeldi. Byltyr 7 146 jaǵdaı tirkelgen, demek bıyl 44%-ǵa artqan.
«Barlyq toptaǵy adamdarda JRVI-ǵa tán ortaq belgiler bar. Aýrý qozdyrǵyshtary aǵzaǵa aýa-tamshy joldary jáne tynys alý arqyly enedi. JRVI kezinde aldymen tynys alý aǵzalary zardap shegedi. JRVI jótelý, túshkirý, sóılesý kezinde aýa arqyly naýqas adammen baılanys jasaǵan kezde juǵady», - dedi Baıan Turdalına.
